Алматыда HomeTech & Electra 2026 халықаралық көрмесіне дайындықтың алғашқы кезеңінің жетістігін сәтті жалғастырған екінші онлайн B2B-кездесу өтті.
Қазақстандық бизнеспен диалогқа Қытайдың Фошань, Нинбо және басқа да өнеркәсіптік орталықтарынан шамамен 60 өндіруші қосылды.
Тікелей іскерлік байланыстарды нығайтуға бағытталған B2B Way Club жобасы өз тиімділігін көрсетті.
Бұл кездесуде қатысушылар бұрыннан орнатылған байланыстарға сүйене отырып, өнім жеткізу, дистрибуция, логистика және бірлескен жобаларды жүзеге асыру мүмкіндіктерін талқылауды жалғастырды.
«Біздің басты мақсатымыз – нақты іскерлік байланыстар қалыптастыру», – деп атап өтті «World Silk Way» ЖШС бас директоры және B2B Way Club жобасының жетекшісі Асия Бурлибаева.
«Біз қазақстандық кәсіпкерлер мен халықаралық өндірушілерді таныстырамыз, олардың сұраныстары мен мүмкіндіктерін түсінуге көмектесеміз, көрмедегі келіссөздер барынша мазмұнды әрі нәтижелі болуы үшін жағдай жасаймыз».
Онлайн-кездесулер әр компанияның жаңартылған сұраныстарын ескере отырып және аудармашылардың қатысуымен жеке форматта өтуде.
HomeTech & Electra 2026 жобасының жетекшісі Азат Әсембай атап өтті:
«Біз бұл кездесулерді ұзақ мерзімді халықаралық ынтымақтастықты қалыптастыру жолындағы маңызды қадам ретінде көреміз. Біздің міндетіміз – Алматыда нарықтың барлық қатысушылары үшін тұрақты іскерлік орта қалыптастыру».
